Rythu Bharosa : రైతు భరోసా డబ్బుల జమపై కీలక అప్డేట్

ఎప్పుడెప్పుడా అని ఎదురుచూస్తున్న రైతు భరోసా డబ్బులు త్వరలోనే రైతుల ఖాతాల్లో పడనున్నాయి. రైతుబంధుని రైతు భరోసా గా మార్చిన విషయం మనందరికీ తెలిసిందే. ఈ నిధులు వలన రైతులకు ఆర్థిక సహాయం అందుతుందనే ఆశతో ప్రభుత్వం ఈ స్కీమ్‌ను ప్రారంభించింది.

వ్యవసాయ శాఖ మంత్రి తుమ్మల నాగేశ్వరరావు ఈ కీలక అప్డేట్‌ను మీడియాతో పంచుకున్నారు. మంత్రి మాట్లాడుతూ, “రైతు భరోసా డబ్బులు ఎప్పుడు ఖాతాల్లో జమ కాబోతున్నాయి అనే విషయంపై పూర్తి క్లారిటీ ఇస్తున్నాం,” అన్నారు.

జులై 18 నుండి రుణమాఫీ ప్రక్రియ

జులై 18 తారీఖున లక్షలోపు ఋణం తీసుకున్న వారికి రుణమాఫీ చేసిన సంగతి మన అందరికీ తెలిసిందే. కానీ, లక్షలోపు రుణమాఫీ ప్రక్రియ పూర్తిగా సాగలేదు. చాలామంది రైతులు బ్యాంకులకు పరుగులు తీస్తున్నారు. కానీ రుణమాఫీ లిస్టులో వారి పేర్లు లేకపోవడం వల్ల వెనక్కి పంపిస్తున్నారు. ఇది తెలంగాణలోని అన్ని జిల్లాల్లో కనిపిస్తున్న సాధారణ పరిస్థితి.

Also Read : జీరో బిల్లు రాని వారికి మరో ఛాన్స్.. Gruha Jyothi Scheme Telangana

మూడు విడతల్లో రుణమాఫీ

తెలంగాణ ప్రభుత్వం రెండు లక్షల రుణమాఫీని మూడు విడతల్లో చేపట్టనుంది:

1. మొదటి విడత: లక్షలోపు ఉన్న రుణాలను మాఫీ చేయడం.
2. రెండవ విడత: 1,50,000 లోపు ఉన్న రుణాలను మాఫీ చేయడం.
3. మూడవ విడత: ఆగస్టు 15లోపు 2 లక్షల రూపాయలను మాఫీ చేయడం.

గందరగోళం కారణాలు

రుణమాఫీ ప్రక్రియలో కొన్ని సమస్యలు ఎదురవుతున్నాయి. ప్రధానంగా, రైతుల ఆధార్ కార్డు వివరాలు తప్పుగా ఉండడంతో టెక్నికల్ సమస్యలు వస్తున్నాయి.

అధికారుల ప్రకారం: “రుణమాఫీ లిస్టులో పేరు రానివారందరూ మీ మండల కేంద్రానికి వెళ్లి వ్యవసాయ శాఖ అధికారులను సంప్రదించి మీ స్టేటస్ ని చెక్ చేయించుకోవాలి.”

రైతు భరోసా డబ్బుల జమ

Rythu Bharosa: రుణమాఫీ పూర్తయిన తర్వాత, రైతు భరోసా డబ్బులు ఖాతాల్లో జమ చేయనున్నారు. అధికారుల ప్రకారం: “ఆగస్టు 15లోగా రుణమాఫీ కంప్లీట్ చేసి, ఆ తర్వాత రైతు భరోసా డబ్బులను ఖాతాల్లో జమ చేయనున్నాం.”