తెలంగాణలో ఇళ్ల సమస్య

తెలంగాణాలో ఇల్లు లేని చాలా మంది పౌరులు ఇబ్బందులు పడుతున్నారు. ఇళ్ల నిర్మాణానికి అవసరమైన ఆర్థిక స్తోమత లేక, గత పది సంవత్సరాలుగా ప్రభుత్వం నుంచి సాయాన్ని పొందడం లేదు. ప్రస్తుతం కేసీఆర్ పాలనలో, కొన్ని ప్రాంతాల్లో మాత్రమే డబల్ బెడ్ రూమ్ ఇళ్లు నిర్మించారు. అయితే, ఆ ఇళ్లు నాణ్యత లోపంతో నిర్మించడం వల్ల, అందులో నివసించడానికి ప్రజలు సుముఖంగా లేరు.

ఇందిరమ్మ ఇళ్ల చరిత్ర

20 ఏళ్ల క్రితం కాంగ్రెస్ ప్రభుత్వం నిర్మించిన ఇందిరమ్మ ఇళ్లు చాలా మంది నిరుపేదలకు ఆశ్రయం కల్పించాయి. ఆ తర్వాత ప్రభుత్వం ఇళ్ల కట్టుకునేందుకు తగిన ఆర్థిక సహాయం అందించకపోవడంతో, ఇల్లు లేని వారు మళ్లీ ఇబ్బందులు పడుతున్నారు. కాంగ్రెస్ ప్రభుత్వం, మళ్ళీ అధికారంలోకి వస్తే ఐదు లక్షల ఆర్థిక సాయం అందిస్తామని హామీ ఇచ్చింది. భద్రాచలం శ్రీ రామచంద్ర మూర్తి సాక్షిగా ఈ పథకాన్ని ప్రారంభించారు, కానీ ఇప్పటి వరకు ఎవరూ ఈ పథకంలో లబ్ధి పొందలేదు.

తాజా ప్రకటన – కొత్త ఆశలు

తాజాగా తెలంగాణ ప్రభుత్వం, ఇళ్ల కోసం ఎదురుచూస్తున్న వారికి శుభవార్త అందించింది. ఇందిరమ్మ ఇళ్లపై త్వరలో కీలక ప్రకటన తీసుకుంటామని, కొత్త పథకాన్ని ప్రారంభించబోతున్నామని మంత్రులు ప్రకటించారు. ఈ పథకం కింద, తెల్ల రేషన్ కార్డు కలిగిన ఎస్సీ, ఎస్టీ వర్గాలకు ఆరు లక్షల రూపాయలు, మిగతా వారికి ఐదు లక్షల రూపాయలు అందజేయనున్నారు.

Telangana Indiramma Housing Scheme ఈ పథకం ఎవరికి వర్తిస్తుంది ఎవరికి వర్తించదు అనే విషయానికి వస్తే…

Also Read : Telangana: తెలంగాణ రైతు ప్రజా ప్రభుత్వం సీఎం రేవంత్ రెడ్డి

ఈ పథకం మూడు విడతల్లో అమలు చేయబడుతుంది. మొదటి విడతగా ప్రతి నియోజకవర్గంలో 3,000 మందికి ఈ ఆర్థిక సాయం అందజేయనున్నారు. ఆ తర్వాత రెండో విడతలో మరో 3,000 మందికి ఈ పథకం వర్తింప చేయనున్నారు. ఈ పథకం కేవలం ఇల్లు లేని నిరుపేదలకు మాత్రమే కాదు, సొంత భూమి లేని వారికి కూడా భూమి అందించి ఇల్లు నిర్మించుకునేందుకు సహాయం చేస్తారు.

పథకానికి అర్హతలు

ఈ పథకం కింద ఆర్థిక స్తోమత లేని, తెల్ల రేషన్ కార్డు కలిగిన నిరుపేదలకు మాత్రమే ఆర్థిక సాయం అందజేస్తారు. ఈ పథకానికి సంబంధించి మరిన్ని వివరాలు అధికారిక ప్రకటన తర్వాత తెలియజేయబడతాయి.

**ఈ పథకం ద్వారా ఇల్లు లేని నిరుపేదలకు ఆశ మరియు భద్రత కల్పించబడుతుంది. తెలంగాణ ప్రభుత్వం ఈ కీలక చర్యతో ప్రజల ఆకాంక్షలను నెరవేర్చే ప్రయత్నం చేస్తుంది.