Bollaram: ప్రజల కోసం పోరాడే వారికి అండగా ఉండాలని బొల్లారం మున్సిపల్ బీజేపీ పట్టణ అధ్యక్షుడు కేజేఆర్ ఆనంద్ కృష్ణారెడ్డి అన్నారు. ఈ సందర్భంగా ఆయన శనివారం మీడియాకు ప్రకటన విడుదల చేశారు. గతంలో జీవో 59 కింద డబ్బులు చెల్లించినా వారికి ప్రభుత్వాలు ఎటువంటి మేలు చేయడం లేదన్నారు. ఎన్నో ఆశలతో ప్రజలు డీడీలు చెల్లించిన గత ప్రభుత్వం పట్టించుకోలేదన్నారు.

Also Read: కాంగ్రెస్ లోకి.. ఎమ్మెల్యే అరికెపూడి గాందీ

అనేక మంది బాధితులు ఉన్నప్పటికీ ప్రభుత్వం ఏ చర్యలు తీసుకోలేదన్నారు. ప్రభుత్వం 2016, 2018, 2020లో జీవో తెచ్చిందని అయినా గత ప్రభుత్వం చొరవ చూపలేదన్నారు. ఇదే విషయమై తాను గతంలో 2022లో బొల్లారం నుంచి జిన్నారం వరకు పాదయాత్ర చేశానని ఆయన గుర్తు చేశారు.

Also Read: ఖాట్మండులో శౌర్య ఎయిర్లైన్స్ విమానం కుప్ప కూలింది

ఎమార్వోకు వినతిపత్రం అందజేసిన ప్రభుత్వం ఏ చర్యలు తీసుకోలేదని, సంవత్సరాల తరబడి ప్రజలు సర్టిఫికెట్ల కోసం ఎదురుచూడాల్సిన దుస్థితి నెలకొందన్నారు. మరోసారి ప్రభుత్వం పై ఒత్తిడి తేవడానికి తాను ఈ నెల 30న గాందీ విగ్రహం వద్ద ఒక రోజు దీక్ష చేయనున్నట్లు ఆయన తెలిపారు. ప్రజల సమస్యల పరిష్కారం కోసం కొట్లాడే వారికి ప్రజలు సంపూర్ణ మద్దతు ఇవ్వాలని ఈ సందర్భంగా ఆయన ప్రజలను విజ్ఞప్తి చేశారు. జీవో 59 బాధితుల కోసం చేపట్టే దీక్ష కార్యక్రమానికి బాదితులతో పాటు ప్రజలు స్వచ్ఛందంగా వచ్చి మద్దతు తెలపాలని ఆయన కోరారు